I karakia ngātahi te whānau i te whare o Kurani Henare. Kua whakahaere ngā pouako i ngā hui ā-kura i tēnei wiki.
I tēnei wiki kua hoki whakamuri tātou ki ngā kaupapa kua mahia i te tau nei. I aro ngā tamariki ki ngā meka matua, te whakarea me te whakawehe, te tāpiri me te tango, me ngā pakitau. I whai wāhi hoki ngā tamariki ki te tākaro i ngā kēmu pāngarau hei whakaū i ngā akoranga.
Kua whakahaere a Whaea Bahi i ngā akoranga tunu kai i te wiki nei. Kua tunua ngā mawhena panana, ngā mawhena tohi wīwī, ngā frittata huawhenua me ngā mawhena tihi me te pekana.
Ko te kaupapa matua mō te toi ataata ko ngā tāraitanga. I ngā tau kua hori kua hangā e ngā tauira ngā karetao nui. I te wiki nei kua whakaritea mai e ngā ākonga ngā karetao pakupaku.
Nō tātou o Whakapūmau te māngari kua hoki mai a Hone Rask hei pouako whai wheako i raro i te maru o Te Aho Tātairangi. E te manu kākānui hoki mai ki te poho o Te Whakapūmautanga!
